Gawian Ikut Suami

PALUI tapilih pulang manjadi katua RT. Padahal inya sudah dua kali manjabat, tapi karna urang banyak nang katuju tautama bubuhan pamudanya, jadi tapakai pulang. Palui urangnya pangawal wan jua saraba rasuk wan urang kampung, baik nang tuha atau pun nang anum.

“Bujurkah Lui bila handak jadi pajabat harus baisian bini,” ujar Garbus batakun.

“Hi-ih bujur Bus ai, pajabat harus baisi pandamping gunanya supaya jangan makan nasi bungkus,” ujar Palui lihum.

 

Kasturi Babau Jaring

WAYAH lagi anum bahari Palui wan kakawalannya rancak banar bajalanan bapiknikan ka gunung. Parnah wayah bapiknikan itu rami banar mandian di pancuran, banyunya dingin dan jaranih, sambil barabah batilantang di batu nang banyunya kacap-kacapan. “Dasar rami wayah bahari itu, wayah ini asa kada kawa diulangi lagi karna kita batiga sudah tuha-tuhaan,” ujar Palui maingatakan kesah bahari.

“Hi-ih, dasar rami banar, apalagi rami barabut mangapar buah-buahan nang larut. Ada buah loa, buah kapul, buah kasturi, macam-macamlah,” ujar Tulamak.

“Tapi ikam parnah tapakalah,” ujar Garbus manunjuk Tulamak.

“Tapakalah kaya apa Bus?” ujar Palui batakun.

 

Palui Kaguguran

Salawas batianan anum ini bini Palui panimburuan banar. Apalagi wayah Palui katahuan ada main wan acil Irus. Kamana-mana Palui musti dicurigai, sampai kada kawa bagarak matan rumah. Pabila bulik kantur talambat sadikit haja, muha bininya langsung berot. Apalagi bila sampai ta-ka malam, bisa talu hari sariknya haja.

Hanyar tadi Palui disaru acil Irus basalamatan mahaul arwah lakinya. Undangan diantarakan langsung ka rumah Palui, kabalujuran nang manarima bininya. Surat undangan itu langsung disimpaninya, supaya Palui kada mambaca wan kada baniat tulak saruan. Tapi rupanya Palui tatamu wan Garbus wayah sembayang ashar di masigit.

“Uiiii….. Lui, adalah ikam manarima undangan acil Irus, malam ini sidin basalamatan?” ujar Garbus.

“Kadada Bus ai. Pasti undangan basaruan itu disampaiakan ka rumah, maka binikulah nang manarimanya. Bila inya nang manarima musti disimpaninya, kada dipadahakannya wan aku,” ujar Palui.

 

Sambahyang Baruku

WAYAH anum, Palui takanal wangal. Gawiannya bilang kada sampraka. Macam-macam diulah, rancak jua marga tingkahnya urang sakampungan tumbur. Mun di muara gang ada nang batumburan, kada lain pasti ulah si Palui.

Tapi limbah Palui malelek anak panghulu, tapaksa Palui maubah kalakuan. Inya sudah kada lagi bakaluan mambala. Nang biasanya bakumpul-kumpul di muara gang, baubah banyak bakumpul di langgar. Inya umpat jua balajaran mangaji lawan mandangarakan caramah atawa urang bakajian.

Ngaran baharinya kada tapi ingat diri, makanya Palui bilang kada tahu alip bungkuk.

 

Sakit Parut

SUDAH babarapa hari ini Palui kada turun bakakawalan. Biasanya saban hari inya musti cangul ka warung acil itu atawa duduk-duduk di gardu.

Bubuhannya sawat jua takun-takunan kamana garang maka Palui manghilang, kada kalihatan batang hidungnya. Ada nang manangguh Paluinya madam ka Jawa, ada jua nang mamadahakan bahwa Palui bulik ka pahuluan. Tapi banyak jua nang manangguh Palui garing.

“Kalu kaya itu kita ilangi ka rumahnya kalu pina garing. Maklum wayah ini musim bahiraan,” ujar Garbus.

 

Umpat Ba-HP

GARBUS wan Tulamak asik mamander bubuhan urang sugih nang karna balabihan duit napa haja kahandak anak diturutakan. Maksudnya sayang banar wan anak, tapi lawas-kalawasan maulah anak jadi manja, nakal, sumbung, pangoler wan kada mandiri alias katargantungan wan kuitan.

“Kita harus basyukur, walaupun hidup kita sa-adanya tapi anak kita kadada nang nakalnya,” ujar Garbus.

“Hi-ih, Alhamdulillah anak kita hakun dibawa basakit, dibawai baparihatin, paham bahwa abah umanya kada sing duitan makanya kada batangsa nang harat-harat,” ujar Tulamak maakuri.